Laudioko udal gobernu taldeak iragarri du akordioa lortu duela langileekin hitzarmen berria onartzeko. Hala ere, gainerako alderdiek babestu beharko dute aurrera egin dezan. Otsailaren 22an jorratuko dute batzorde berezian, udalbatzan bozkatu baino lehen.
Gobernu taldeak jakinarazi du otsaileko udalbatzan eztabaidatuko dutela udal langileen hitzarmen berria. Berez, EH Bilduren taldeak adostasuna erdietsi du sindikatuekin. 17 bilera behar izan dituzte horretarako.
Prestatutako hitzarmena 2015ean sartuko litzateke indarrean 2019an iraungitzeko, izan ere, 6 urte eman dute langileek hitzarmenik gabe.
Soldataren %6ko igoera
Jon Ander Altube alkateordeak adierazi du soldataren aldetik bi puntu zehaztu diela akordioak. Alde batetik, KPIk aginduko du igoeraren kopurua eta, gutxienez, %1 igoko dute urtero.
Horrez gain, kalkulatu dute azken urteetan erosteko gaitasuna %6an galdu dutela udal langileek eta modu mailakatuan berreskuratzea adostu dute.
Arreta zerbitzua arratsaldez
Gainera, herritarren arreta zerbitzua luzatuko dute arratsaldez ere eskaintzeko. Horrek aldaketak ekarriko ditu zenbait langileren baldintzetan.
Lan kalitatea
Enplegu duinagoa sortzeko konpromisoa dela eta, dauden postuak mantendu eta finkoak sustatuko dituzte, azpikontratetan klausula sozialak ezarriko dituzte, euskara trebakuntza eskainiko dute eta lan-poltsa berriak egingo dituzte, besteak beste.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
