Zea Mays eta Hesian taldeek joko dute Odoloste Egunean

Erredakzioa 2017ko apirilaren 10a

Hesian Laudion./ aiaraldea.eus

Laudioko Udalak aurreratu du Zumalakarregin joko dutela Zea Maysek eta Hesianek Odoloste Egunean.

Udalak jakinarazi du sanrokeen egitarauaren zenbait ekitaldi zehaztu duela. Hesian eta Zea Maysen kontzertuak ez ezik, iragarri du Zumalakarregin reggae gaua egingo dutela -La Regadera arituko da, besteak beste- eta, horrez gain, Susana Seivanak eta Ardentiak joko dute.

Herriko plazan aniztasuna

Herriko plazan, ordea, hainbat motako taldeak egongo dira: habanerak, boleroak, mariatxiak... eta Gontzal Mendibil, Urko eta Txomin Artola, Xabi Aburruzaga, Puro Relajo eta Kukai.

Kale saltzaileentzako lekua

Jai guneen banaketari dagokionez, ez da aldaketa handirik egongo. Odeibarreko aparkalekuan kokatuko dituzte barrakak eta Alberto Acero plazan lanak egiten ari direnez, leku gutxiago erabiliko dute.

Herri askotan bezala, kale salmentarako tokia prestatuko dute Aldai plazan. Aste batzuen buruan plazaratuko dute araudia.

Kartel lehiaketa

Dagoeneko kartel lehiaketaren oinarriak onartu ditu udalak eta Zuin aldizkariaren bitartez zabalduko ditu. Udal webgunean ere egongo dira ikusgai.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide