Matxintxu elkarteak azaroaren 7an Madrilen egingo den Emakumeenganako Indarkerien Aurkako Martxa Estatalera joateko autobusa antolatu du. Egunean bertan joan-etorria egiteko hitzordua jarri dute, goizeko 6:00etan Orozkotik abiatuta eta 20:00etan bueltatzeko asmoarekin. Elkarteko bazkideentzako billeteak 15 eurotan eta ez-bazkideentzat 20 eurotan dituzte salgai.
Manifestua
Ekimena Estatu mailako zein Erkidego autonomiko ezberdinetako emakume taldeek sustatutako manifestuaren inguruan garatu da, nazioarte mailako hainbat emakume erakunderen atxikimendua eskuratu duena bai eta Estatu mailako gizarte, sindikal eta politika alorreko hainbat erakunde eta norbanakoena ere.
Manifestuak indarkeria matxistak genero desberdintasunaren adierazpen bortitzena suposatzen dutela eta jendarteak pairatzen duen emakumeen giza eskubideen urratze larriena direla salatzen du mugimendu feministaren izenean.
Azaroaren 7ko martxak hainbat aldarrikapen plazaratuko ditu, besteak beste, terrorismo matxista estatu gaia bihurtzea edo Istanbuleko Hitzarmena gara dadila eta DEDAWren gomendioak bete daitezela 1/2004 legea aldatuz emakumeen aurkako indarkeria forma guztiak jaso ditzan.