🔴 AMURRIOKO UDALAK DIRU-LAGUNTZA KENDU DIO ESKUALDEKO EUSKARAZKO KOMUNIKABIDE BAKARRARI 🔴
📝 Eman atxikimendua eta babesa Aiaraldea Komunikabideari, hemen sinatuta 👇
www.labur.eus/amurrioneuskarazbizinahidugu
📍 Ekainak 21, ostirala, AGERRALDI HERRITARRA Amurrioko Juan Urrutia plazan, 19:30ean.
Aiaraldea Komunikabidearen kartelak kentzeko agindu zuzena eman du Amurrioko Udalak. Komunikabideak lehen eskutik jaso du agindu horren berri, iturri ezberdinen bidez.
Jasotako informazioaren arabera, tokiko erakundeak mezu bat bidali die kartelak kentzeaz arduratu diren langileei. Mezu horrekin batera, komunikabideak jarritako afixetako baten argazkia erantsi dute, kartel zehatz hori (ez besteak) kendu behar zela zehaztuz.
Are gehiago, garbiketaz arduratu diren langileak ez dira mugatu kaleko espazio publikora. Komunikabideak jakin izan duenez, zenbait establezimendu komertzialetan zeuden afixak ere kendu dituzte.
Jasotako informazioaren arabera, tokiko erakundeak mezu bat bidali die kartelak kentzeaz arduratu diren langileei. Mezu horrekin batera, komunikabideak jarritako afixetako baten argazkia erantsi dute, kartel zehatz hori kendu behar zela zehaztuz.
Komunikabideak duela bi aste abiatu zuen atxikimendu kanpaina Amurrioko Udalak kendutako dirulaguntzaren berrezartzea eskatzeko. Hain zuzen, kanpaina horren nondik norakoak azaltzeko banatu dira kartelak eskualdean barrena. Amurrion iragan ostegunean jarri ziren lehenbiziko aldiz, eta biharamunerako gehienak desagertu ziren. Guztira, gutxienez bi aldiz egin dute Komunikabidearen kartelak soilik kentzeko garbiketa.
Horrez gain, iragan astean salatu bezala, Amurrioko Udalak beste hainbat baliabide publiko ere baliatu ditu Komunikabidearen mezuari kontra egiteko.
Agerraldi herritarra ostiralean
Ostiral honetan egingo da euskarazko komunikabideen aldeko “Amurrion euskaraz bizi nahi dugu!” agerraldi herritarra, 19:30ean Amurrioko Juan Urrutia plazan, udaletxearen aurrean. Ordubete lehenagotik, baina, haurrentzako jokoak egongo dira, toki berean. Agerraldi horretarako argindar hartune publikoa erabiltzeko eskaera egin zaio Udalari, baina tokiko erakundeak ez dio erantzun eskaerari.
Aiaraldea Komunikabidetik Amurrioko eta eskualdeko osoko herritarrei luzatzen diegu manifestua sinatu eta ostiraleko deialdira bertaratzeko deia. Asko da jokoan dagoena, Amurrioko Udalaren euskararekiko politika aldatu behar dugu.