Arabako Ikastolen Federazioak 2021 urteko Araba Euskaraz koordinatzaile berria aukeratzeko deialdia zabaldu du urtarrilak 17ra arte. Hautaketa prozesua Laudio Ikastolak kudeatuko du, hori dela eta interesdunek curriculuma helarazi beharko dute zuzendaria@laudioikastola.eus posta elektronikora urtarrilaren 17a baino lehen.
Perfila ondorengoa litzateke:
• Euskalduna eta Arabarra.
• Ikastolekin harremana eta konpromisoa duena. Ikastola mundua eta Aiaraldea eskualdea ezagutzen dituena.
• Lan taldeetan eta elkarlanean lan egitean gaitasuna. Lidergoa.
• Antolaketa - kudeaketan gaitasuna.
• Komunikazio eta ordezkaritza gaitasuna.
Lan baldintzak, ondorengoak:
• Berehalako inkorporazioa eta 2021eko Araba Euskaraz itxi bitarteko lan kontratua (uztailaren lehen hamabostaldia).
• Lanaldi partzialeko dedikazioa.
• EHIko Lan hitzarmenaren aplikapena.
• Langilearen kategoria: Teknikaria.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
