BIDEOKLIPA

Araba Euskarazen bideoklipa, hemen ikusgai

Gaur plazaratu ditu Laudio Ikastolak aurtengo Araba Euskaraz jaiaren abestia eta bideoklipa. Izar Mendiguren bertsolaria arduratu da letra egiteaz eta Egoitz Uriarte musika sortzeaz. 

Beste hainbat musikarik ere hartu dute parte kantaren grabaketan: Endika Guerrero, Iskander Vesga, Garazi Orueta, Laura Pelayo, Felix Miguel Adrian, Flor Inza, Daniel Lamperez eta Enric Gomez. Ahotsak, aldiz, Aiala Mendietak, Xabi Basterrak eta Ana Baruk jarri dituzte, Uriarterekin batera. 

Bideokliparen grabaketa, aldiz, Aiaraldea Ekintzen Faktoriak burutu du. 

Bi aurkezpen

Bi ekitaldi egin ditu Laudio Ikastolak gaur sorkuntza lana aurkezteko. Lehena eguerdian izan da Lamuza parkeko Kasinoan, eta prentsari bideratua egon da. 17:00etan, aldiz, ikastolako frontoian egin dute aurkezpena, eskola komunitatearen aurrean. 

Kantaren koreografia ere aurkeztu dute ekitaldietan, Ainize Solaun dantzariak sortutakoa: 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide