Asteburu honetan ospatuko da Aiaran Euskararen Asteburua, bihartik (ostirala) igandera. Hiru egun iraungo ditu ekimenak, eta hiru lekutan egingo da. Ostiraleko ekintzak Luiaondon egingo dira, frontoian. Bertso-pilota eta familientzako jolas eta kantuen tailerra egongo dira seietatik aurrera. Berbalagun-gurasolagun ekimenaren informazio gunea ere egongo da.
Larunbatean Arespalditzara mugituko da ekimena. “Aiaran denon artean” ekitaldia izango da arratsaldeko egitarauko puntu nagusiena. Aiara osatzen duten 24 herrietako auzokideek parte hartuko dute bertan.
Igandean egingo dira azken ekintzak, Lantenoko eskolan. Pailazoak, eskulan-tailerra eta askaria egongo dira, “Igande arratsaldeak familian” dinamikaren baitan.
Iazko edizioko bideoa:
[video:http://www.aiaraldea.eus/bideoak/euskararekiko-duten-konpromisoa-berretsi-dute-aiarako-herritarrek]
EGITARAU OSOA
Urriak 21, ostirala, Luiaondoko frontoian
18:00 // BERTSO-PILOTA, Luiaondoko pilota eskola eta Arabako bi bertsolarirekin
19:30 // FAMILIENTZAKO JOLAS ETA KANTUEN TAILERRA, gurasoek eta umeek elkarrekin parte hartzeko..
* BERBALAGUN – GURASOLAGUN INFOGUNEA: Aiaraldean euskaraz
Urriak 22, larunbata, Arespalditzan
(Ferialean eta Herriko Plazan. Eguraldi txarra balitz, ekitaldi osoa Udal Aretoan) AIARAN DENON ARTEAN ekimen parte hartzailea (musika, buruhandiak,bertsoak, dantza, txokolatea… )
18:00 // Aiarako herritarren TOPAKETA Ferialean
18:20 // MUSIKA-KALEJIRA 24 herrietako pankartekin herriko plazaraino
18:30 // HERRIZ HERRI, UDALERRI: 24 herrietako bakoitzaren izenean, ume/guraso/herritarrek, bertsoak-abestiakdantzak-mezuak… plazaratuko dituzte, ondoren, Aiarako mapan dagokion herriaren pieza kokatzeko. Amaitzeko, ekimenaren ohorezko bertsoa abestuko da, eta bertaratuen talde-argazkia aterako da.
19:30 // TXOKOLATADA
Urriak 23, igandea, Lantenoko eskolan
IGANDE ARRATSALDEAK FAMILIAN
17:00 // Pailazoak (Trokolo Teatroa “Burutik jota”)
18:00 // Askaria
18:30 // Eskulan-tailerra