Oxinburuk asteburu osoan hartuko du Untzuetako gaztelua eta jentileak erakusketa. Atzo arratsaldean Txomin Egiluzek aurkezpena egin ondoren, gaur 19:00etatik 21:00ak arte irekiko dituzte ateak eta bihar 12:30ean gonbidatuko dituzte interesdunak 14:00ak arte.

Urdiola Egune ospatu zuten larunbatean Arrankudiagan eta adin anitzeko jende ugari bildu zen bazkariaz eta bola joko txapelketaz gozatzeko. Umeen zein helduen kategoriak prestatu zituzten eta egun osoa igaro zuten bolatokian jolasten, antzinako kirol hori berpizten.