Aiarako Udaleko Berdintasun Arloak "Ezagutu Aiarako emakumeak" ipuin eta kontaketa lehiaketaren lehenengo edizioa abiatu du. Horren bitartez Aiarako emakumeen historia, bizitza eta lana bultzatu nahi dute. Obren formatua, beraz, zabala da eta testigantza bat ere izan daiteke. Azaroaren 6an bukatuko da obrak aurkezteko epea.
Euskaraz zein gaztelaniaz
Euskaraz zein gaztelaniaz, idazkiek gutxienez 2 orrialde izan beharko dituzte eta, gehienez, 10. Arial 12 letran aurkeztu beharko dira, lerroarte bikoitzarekin eta autorearen izenik gabe. Aiarako udaletxera bidali daitezke posta bidez edo modu elektronikoan cayala.cultura@gmail.com helbidera. Oinarriak osorik kontsultatu daitekez www.aiarakoudala.com webgunean.
Guztira 3 sari egongo dira. 120 euro izango dira 18 urtetik gorakoen kategoriako irabazlearentzat, beste 120 euro 12 eta 18 urteko kategoriako saridunarentzat eta, txikien atalean, eskolarako materialean 60 euroko sari bat eskainiko diote obra onenaren idazleari.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide