Uztailaren 24an eta 25ean Agiñagako Jaiak ospatuko dituzte, eta dibertsioak ez ezik, ingurumenak ere protagonismoa izango du.
Horrela, igandean 09:30ean mendi ibilaldia egingo dute Gorobeli buruz. 12:30ean eztia dastatzeko parada emango dute eta jarraian pintxo-poteari ekingo diote.
14:00etan herri bazkaria egingo dute. 12 euroko prezioa izango du eta 696153147 telefono zenbakian izena eman beharko dute interesdunek eta gaur bertan bukatuko da epea. Bazkalostean, 16:30ean zehazki, briska txapelketa hasiko da.
Espeleologiari buruzko hitzaldia
Gorobel mendilerroan egiten ari diren esplorazioak azalduko ditu Takomano espeleologia taldeak 17:30ean. Ondoren, 19:00etan umeentzako jokoak eta igel toka txapelketa antolatuko dute.
21:00etan parrillada eskainiko dute eta gero berbenan dantzatzeko aukera egongo da. Gaueko 04:00etan igela arrantzatuko dute herriko iturrian.
Astelehenean jaiak bukatuko dira
Uztailaren 25ean hiru jarduera gauzatuko dituzte 12:00etatik aurrera. 13:00etan meza egingo dute eta, aldi berean, pintxoak eskainiko dituzte. 14:30ean zozketaren txanda helduko da jaiak amaitzeko.