Hurrengo ekainaren 11an izango den Arespalditzako IX. BTT martxan internet bidez izena emateko azken eguna igande hau izango da. Hala ere egunean bertan apuntatzeko aukera egongo da goizeko 8:30tatik 9:30tara, martxa hasi arte.
Aiarako BTT taldeak, urtero bezala, inguruko mendia zeharkatuko dituen bizikleta martxa prestatu du. Guztira 36 km.-ko eta 1,300 metrotako desnibela izango ditu ibilbideak baina laburtzeko aukera izango du nahi duenak, Dubalzako azken igoera kenduta, guztira 32 km. eta 1100 metroko desnibela izanik.
Egunean bertan apuntatzeko lekua, irteera eta helmuga Etxaurren Ikastola izango da eta bertan dutxatzeko eta bizikleta garbitzeko aukera ere izango dute. BTT martxa ez da lehiakorra izango eta antolakuntzak paisaietaz gozatzeko gomendioa egin du. Ibibidearen erdialdean hornidura puntu bat jarriko dute ere bai.
Izen-ematea internet bidez egin daiteke ekainaren 5a arte antolatzailearen webgunean. Prezioa 14 eurokoa izango da federatuentzat eta 17 eurokoa federatuak ez direnentzat. Lehenengo hauek lizentzia aurkeztu beharko dute irteeran.
Bertan apuntatu nahi dutenek aldiz, federatuek 17 euro ordaindu beharko dituzte eta federatuak ez daudenek 20.
Informazio gehiago BTT Respaldizaren webgunean: hemen