Aiara Oinez Foro soziosanitarioak mapa komunitarioa sortzeko ikerketa abiatu du. Horretarako, herritarren iritzia jasotzeko inkesta sortu du. Galderak aiaraoinez.es.tl webgunean, Saraube aldizkarian edota Foroaren Facebook orrialdean daude. Erantzunak Luiaondoko zein Arespalditzako osasun zentroetan, udal bulegoetan edo Arespalditzako farmazian jarri diten postontzietan urtarrilaren 31 arte utz daitezke.
Aiara Oinez osasuna eta pertsonen ongizatea hobetzeko sortu zen, helburu nagusia osasun komunitarioa izanik. Gauzak horrela, komunitatearekin zerikusia duten alderdiez eztabaidatu, informatu eta aholkatzen du foroak. Bertan, udalak, bizilagun, kultur eta kirol elkarteek eta oro har, kontzientziatuak dauden herritarrek parte hartzen dute.
Galderak honako hauek dira:
1- Zer da zuretzat osasuna?
2- Zure ustez, hirian beharrean herrian bizitzeak zein abantailak ditu osasunerako?
3- Zer egin liteke herrian osasuna (fisikoa, mentala, soziala...) hobetzeko?
4- Zein da zure ustez osasun arloan gure herriko arazorik garrantzitsuena?
5- Zein baliabide sozial/ kultural ezagutzen dituzu zure komunitatean, ze jarduera egiten dituzu eta zure ustez, zein da komunitatearen parte-hartzea jarduera hauetan?
6- Nola lagun zenezake komunitatearen osasuna hobetzen?