“Gabonetako jolas txokoak” programa abenduaren 28tik 31ra eta urtarrilaren 4tik 8ra egingo da Luiaondoko eta Arespalditzako ludoteketan. Gai nagusia zirkua izango da eta 2005 eta 2011 urte bitartean jaiotako haurrek parte hartu ahal izango dute.
Saioak 10:00etatik 13:30era egingo dira eta izena emateak abenduaren 18 arte egin beharko dira udaletxean bertan edo inskripzio orria info@aiarakoudala.eus helbidera bidaliz. Prezioak familiako ume kopuruaren araberakoa izango da: 20 euro haur bat, bi 30 euro eta hiru 40.
Esan bezala, gai nagusia zirkua izango da eta egunero azken honen inguruko tailerrak eta ikuskizunak egongo dira. Horien artean, malabare, klown, mozorro eta makillaje eta magia tailerrak, oreka eta akrobazia jolasak eta zirku emanaldia daude. Gainera, Gabonetako txango berezia egingo da.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide