EITBk Gaztea Dantzan lehiaketako II. edizioa egin du aurten eta Ainhize Solaun aiararra izan da garaileetako bat. Epaimahaiaren saria jaso du dantzariak, "Ghost writer" lanarekin hain zuzen ere.
Hurrengoa esan dute epaileek Ainhize Solaunek prestatutako dantzaren inguruan:
"Koreografiak duen egitura originalagatik hautatu du epaimahaiak. Halaber, musikaren erabilera bikainak, tenpoak ondo erabiltzeak eta azentuen kolpeak behar bezala neurtzeak lagundu die horretan. Hainbat estilo bateratu dituzte, guztiak harmonia egokian uztartuz (flamenkoa, euskal dantza, jazza, klasikoa).
Horrez gain, taula gainean dantzariak dotoretasuna erakutsi du. Jantzitegi zaindua (itxura gaurkotua emanez), atrezzoaren erabilera egokia..."
ENTZULEAREN SARIAK
- Lehenengo postuan: "Light it up" (3.822 boto)
- Bigarren postuan: "Do you wanna dance" (3.502 boto)
- Hirugarren postuan: "BBHMM" (724 boto)
EPAIMAHAIREN SARIAK
- Talde onenaren saria: "Do you wanna dance"
- Bakarlari edo bikote onenaren saria: "Ghost writer"
- Bideo onenaren saria: "Forward Thinking"
Lehiaketan saritutako beste lanak hemen daude ikusgai.
Dantza
Ainhize Solaunek prestatutako dantza Amurrio Antzokiaren 10. urteurrena zabaltzeko erabili zuten, eta bideoaren grabaketa eta errealizazioa Komunika enpresak gidatu zuen:
[video:https://vimeo.com/144731353 width:720 height:350]