Aginagako Jai Batzordeak ekimen literarioa antolatu du Amurrioko "Los Primeros Jueves" literatura taldearekin batera,. “Palabras al atardecer” izeneneko ekimen literarioa Aginagako elizan izango da urriaren 2an, 19:00etan.
Saioaren ekintza nagusia irakurketa partekatua izango da, modu honetan, elizara bertaratuko den jende orok aukera izango du irakurketan parte hartzeko. Antolatzaileek adierazi duten moduan, erromantzeak, haur poemak eta kantak ez ezik, sorpresak ere izango dira tartean.
"Los Primeros Jueves" taldea 2005ean jaio zen eta hilean behin biltzen dira, hileko lehenego ostegunean, hortik datorkie izena, hain zuzen ere. Taldearen ibilbidea Amurrioko Kultura Etxean hasi zen 10 pertsona izanik, egun, ordea, 30 dira zaletasun literario partekatzeko asmoz taldean biltzen diren pertonak.
Taldearen funtzionamenduari dagokionez, hilero haietariko pertsona batek ardura hartzen du solasaldia gidatzeko eta edukiz betetzeko. Batzuetan olerkiak eta musika nagusitzen dira, beste batzuetan, berriz, gustuko egile bat gogora ekartzen dute. Itziar Jaio partaidearen arabera “solasaldi bakoitza taldekide bakoitza bezain ezberdina izan daiteke, zuzentzen duen pertsonaren araberako da beti”