Aiarako Udalak udal ikastaro ezberdinak eskainiko ditu 2015-2016 ikasturtera begira. Kurtsoak adin guztietarako zuzenduak daude eta kirola zein arte lanak egiteko aukera egongo da. Gainera, Luiaondoko eta Arespalditzako ludotekek ere haurrentzako txokoak eskainiko dituzte udazkenean.
Udal ikastaroak
Kurtsoek urriaren hasieran hasi eta maiatza arte iraungo dute. Guztira, 22 izango dira eta Arespalditzan, Luiaondon eta Lantenon emango diren arren, beste leku batean egiteko aukera ere emango du Udalak. Alde batetik, Yoga, zumba, patinaje familian, taekwondo, areto dantzak, pilates, break dance, esku-pilota eta mantentze-gimnasia egongo dira; eta bestetik, haurrentzako ingeles ludikoa, altzarien zaharberritzea eta orratz lantegiak emango dira.
Izen-emateak irailaren 2an hasi eta 11n bukatuko dira eta langabetuek zein ikasleek prezioan murrizketak izango dituzte. Azken hauek udaletxean eta Luiaondoko bulegoan egin daitezke edota webgunean aurki daitekeen orrialdea bete eta info@aiarakoudala.eus helbidera bidali.
Udazkeneko jolas txokoak
4 eta 14 urte bitarteko haurrek “Udazkeneko jolas txokoak” programan parte hartzeko aukera izango dute Luiaondoko ludotekan astelehen eta asteazkenetan eta Arespalditzakoan astearte eta ostegunetan.
Izen-emateko epea irailaren 1etik 11ra izango da eta udaletxean eta Luiaondoko bulegoan egin ahalko da, edota webgunean aurki daitekeen orrialdea bete eta info@aiarakoudala.eus helbidera bidaliz.