Luiaondoko Jaien lehen txanpako (Andra Mari Madalena) bideo bat grabatzen ari zela, artikulu hau idazten dagoen kazetariak lagun batekin egin zuen topo. “Jaien lehen txanpa hau da ez dago gaizki”, azaldu zion lagun luiaondoarrak, kaña eskuan; baina konfesatu zion berak pertsonalki nahiago zituela jaien bigarren txapako festak: Santo Domingo eta San Lorentzokoak.
“Ermitetako jaiak” deitzen zien berak, Luiaondon dauden bi ermitetan ospatzen direlako. “Egun osoa bertan pasatzeko moduko jaiak dira. Txitxiburduntxiak egiten dira, bazkariak...”.
Baieztapen horrekin bat egiten du Luiaondoko Jaien antolakuntzan dabilen Josu Mimenzak ere. “Guretzako berezia da batez ere Santo Lorenzoren eguna”, adierazi du, “Baseliza daukagu mendian, zelai oso polit batekin, eta bertan prestatzen dugu herri bazkaria. Egun osoa ematen dugu bertan”. Mimenzak gaineratu du batzuetan euria egin izan duela eta, kasu horietan, frontoira jaitsi behar izan direla bazkaltzera. “Baina festa polita zelaian izan ohi da beti”.
Luiaondo askotan “lotarako herri” kontsideratua izan den arren, Mimenzak azpimarratu du azken urteetan igo egin dela herritarren parte hartzea jaietan. “Jende berria parte hartzen hasi da, poliki-poliki, eta gozatu egiten dute festetan”.