ZURIÑE ALAVA (1991, Opellora) ez Lantenokoa baina bertako jaien antolakuntzan laguntzen du Aiarako herri txikien jaiak bultzatzeko.
Lehenik eta behin, zergatik dago Lantenoko jaien antolakuntzan Lantenokoa ez den pertsona bat?
Herri txikietako jaiak bukatu ez daitezen. Nik pertsonalki txikitatik bizi izan ditut Lanteno zein beste herri batzuen jaiak eta pena handia emango litzaidake jai eder hauek bukatzea soilik jende gaztea ez dagoelako.
Orain arte jaiak antolatzen egon direnek jende gaztea behar zela uste zuten. Belaunaldi aldaketa behar du Lantenoko jai batzordeak... orduan hor gaude gure lehenengo urratsak ematen haien laguntzaz. Lantenoko gazteak eta alboko herrikoak ere bai.
Nola antolatzen dira jaiak?
Batzarren bitartez, lehenik eta behin elkartzen gara eta bakoitzak zeregin bat hartzen du, gutxi gorabehera dena adostuta dagoenean kartelak egiten ditugu.
Zein da aurtengo jaien egitaraua?
Urtero bezala goizean 12:30ean txupinazoa izango da jarraian, 13.00etan meza santua eta 13.30ean txorizo garagardo erara dastatuko dugu.
Arratsaldean 17.00etan mus txapelketa berria daukagu sari eder batzuekin eta 17.30ean umeentzako hainbat jolas, gaztelu puzgarriak eta ikuskizuna izango dugu.
Gauean 23.00etan Aurrera erromeria izango dugu.
Zein da Lantenoko jaien helburua?
Herriko jendea elkartzea eta kanpoko jendea erakartzea, horregatik saiatzen gara adin guztientzako jarduerak egiten.
Zergatik hurbildu beharko litzateke jendea Lantenora?
Giro ederra dagoelako eta edozein adinentzako jarduerak daudelako, baina beno uztailak 25ean norbait gerturatu ezin bada gogorazten dizuet abuztuaren 6an ere Ama Zuriren jaia ospatuko dela Lantenon ere, animatu eta bertan ikusiko dugu elkar!