Aiarako Udalak eta Etxaurren Ikastolako Guraso Elkarteak udalekua antolatu dute ekainaren 26tik 29ra Gorlizko aterpetxean. Izena emateko epea maiatzaren 19ra arte izango da eta 1999 eta 2008 urteen artean jaiotako umeei zuzenduta dago.
Udalekuen prezioa 100 eurokoa izango da umeko eta bi epetan ordaintzeko aukera dago: 50 euro maiatzak 20 eta 22 bitartean eta beste 50 euroak ekainak 8 eta 10 bitartean. Nahiz eta Aiaran erroldatutako parte-hartzaileek lehentasuna izango duten, ez erroldatuek bete gabe gera daitezkeen plazak hartzeko aukera izango dute. Azken hauei maiatzaren 20tik aurrera informatuko zaie plazarik baduten.
Izena emateko modua honako hau da: lehenengo www.aiarakoudala.com webgunean edo Udaletxean edo Luiandoko bulegoan eskatu daitekeen inskripzio-orria bete beharko da. Bete ondoren, info@aiarakoudala.com helbidera bidali edota Udaletxean edo Luiaondoko bulegoetan entregatu. Orria parte-hartzailearen osasun-txartelaren kopiarekin batera joan beharko da. Informazio gehiago udaleko webgunetik jaso daiteke.