Aurten “Ezagutu Aiara” argazki lehiaketak bertako bitxikeriak izango ditu hizpide, ohiko gai nagusia Aiara udalerriko herrien ondare, natura eta etnografia-edertasuna izanik. Irudiak azaroak 6 arte bidali ahalko dira eta irabazleak 200 euroko saria jasoko du. Bigarrengo saridunari 100 euro emango diete.
Argazkiak Aiara udalerrian egitea beharrezkoa da eta beraz, Aiaran erraz ezagutzeko edo frogatzeko moduko lekuren bat edo gertaera bat irudikatu beharko da. Nahi adina irudi info@aiarakoudala.com helbidera bidali daitezke, non eta noiz egin ziren adieraziz. Gainera, bertan jasotzen diren alderdiei buruz lerro batzuk idaztea ere eskatzen da.
Joan den urteko irabazlea Eider Lopez Garayo izan zen eta bigarren saria Iraide Vallejo Gonzálezek jaso zuen. Epaimahai udaleko alkateak, Kultura Batzordeko bi kidek, “Hontzuria” argazkigintza taldeko kide batek eta argazkilari profesional batek osatu zuten.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
