Herriko jaien aroa heltzear dago eta Aiaran izango dira laster. San Prudentzio ez ezik, San Markos jaiak ere ospatuko baitituzte berehala.
San Prudentzio Aiarako jairik garrantzitsuena da eta larunbatean hasiko dira Arespalditzan Prontxi III. Mendi Ibilaldiaren eskutik, 09:30ean hain zuzen.
Txupinazoa
Hori bai, jaiak ofizialki 12:30ean abiatuko dituzte. Egun osoko egitaraua prestatu dute eta horretarako umeentzako jokoak, gastronomia eta kirola uztartuko dute. Zehazki, txirrindularitza lasterketa egongo da 17:00etan, 17:00etan Jesus Isasiren Oroimenezko XXXV. Txirrindulari Sari Nagusia (kadeteak). Kontzertuak ere prestatu dituzte, Atxurre, Izate Faltsuak eta Tximeleta taldeen eskutik alegia 22:00etatik aurrera.
Igandea
Igandean 11:00etan Arespalditzan ere hasiko dira ospakizunak eta umeak eta adinekoak izango dira protagonistak. Haurrek tailerrak eta parkea izango dute eta bestalde Nagusien XV. Eguna ospatzeko bazkaria eta dantzaldia Iñaki Otegirekin.
Astelehena
Astelehenean 3x3 Hockey Txapelketa jokatuko dute 10:00etan Arespalditzan eta gaueko 22:00etan Gwa Ya taldeak joko du.
Asteartea
Bukatzeko asteartean eta Arespalditzan 11:00etatik aurrera eskualdeko produktuen azoka egingo dute. 12:00etan San Prudentzioren ohorezko meza izango da eta horren ostean Itzalde Abesbatzaren kontzertua. 13:00etan Umeen danborrada helduko da eta 16:30ean umeentzako ikuskizuna. 18:30ean Erromeria egingo dute eta bukatzeko 20:30ean odolostea jateko aukera egongo da euro baten truke.
Gainera, hainbat egunetan bola jokatuko da Luiaondon eta Kexaan.
San Markos jaiak
Bestalde, Menoion San Markos jaiak ospatuko dituzte apirilaren 24an eta 25ean. Ostiralean 22:00etan izango da txupinazoa eta hurrengo egunean 11:50ean Adar-deia egingo dute, 12:00etan Meza, 12:30ean “Menoio abizena munduan” erakusketa inauguratuko dute, 13:15ean luntxa izango da eta 14:00etan Arkumearen zozketa. 17:30ean umeentzako jokoak hasiko dira.