Osakidetzako langileek bihar arte luzatuko den greba orokorrari ekin diote gaur. Grebak oihartzuna izango du eskualdeko osasun zentroetan.
CCOO, UGT, ELA, LAB, ESK, SATSE, SME eta FFHE sindikatuek egindako greba deialdia, 2014ko bigarren seihilekoan abian jarritako mobilizazio kanpainaren barruan dago sartuta. Mobilizazio kanpaina horrek grebara eraman zituen osakidetzako langileak azaroan eta abenduan.
Osakidetzako langileek bihar arte luzatuko den greba orokorrari ekin diote gaur. Grebak oihartzuna izango du eskualdeko osasun zentroetan.
CCOO, UGT, ELA, LAB, ESK, SATSE, SME eta FFHE sindikatuek egindako greba deialdia, 2014ko bigarren seihilekoan abian jarritako mobilizazio kanpainaren barruan dago sartuta. Mobilizazio kanpaina horrek grebara eraman zituen osakidetzako langileak azaroan eta abenduan.
Astelehenean bildu ziren eragile sindikalak Osakidetzako Zuzendaritza Nagusiarekin Lakuan. Desadostasunak nabariak izan ziren. Sindikatuek salatu egin dute Osakidetzako Zuzendaritzak ez duela jarrera aldatu gai garrantzitsuetan eta ez dituela lanaldia eta soldatak negoziatuko.
Jaurlaritzak negoziazio mahaia zabaltzea eskaini die sindikatuei, bertan 2014-2015eko Lan Eskaintza Publikoa, ordezkapenak, barne mugikortasuna, garapen profesionalerako programa eta behin behineko kontratuen kontrola negoziatzeko. Sindikatuek ez dute hori nahikotzat jo eta mobilizazioekin jarraituko dute.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
