Legegintzaldi honetan Batzar Administratiboetan proiektuak eta obrak egiteko diru-laguntza ez dela agortu ikusi du Udalak. Izan ere, herri txikiek batez ere ezin dute Arabako Foru Aldundiak edo Eusko Jaurlaritzak ematen ez duten portzentajea bere gain hartu.
Horregatik hain zuzen ere, 2014. urteko abenduan diru-laguntza horietan soberan geratzen zen diru kopurua Batzar Administratiboen artean banatu zen. Hala, 2015. urtetik aurrera laguntza horiek erregulatuko dituen ordenantza egingo da. Bertan, Udalak Administrazio Kontseiluei eskaintzen dizkien zerbitzuak eta diru-laguntzak zehaztuko dira.
Udalak ematen duen laguntza
Udalak kale argiteriaren, obren eta seguru zibilaren % 50 ordaintzen du; eta herrietako jaietako jardueren % 80. Gainera, kale argiteria konpontzen du, hobi septikoak kudeatzen ditu, bideak garbitzen ditu eta ura kloratzeko makinen mantentze-lanak egiten ditu,besteak beste.
Batzar Administratiboek bere aldetik, nolabaiteko autonomia dute. Nortasun juridikoa eta jarduteko gaitasuna dute, eta bere interesak kudeatzeko autonomia. Horrela, egin beharreko obren edota uraren edo ondasunen kudeaketaren inguruan erabaki dezakete.