Gorobel Mendizerrako Ermandadeak Gaztela eta Leongo administrazioari alde batetik, eta Teza, Lastras, Barriga eta Villacián Burgoseko Administrazio Kontseiluei bestetik, mendizerran egindako alde bakarreko itxieraren inguruko negoziazioak berrartzea eskatu die gutunez. Kontzeju hauek 2006 eta 2014 urteetan Gorobelen dauden larreak itxi zituzten, 1964. urteko akordioak bertan behera utziz.
Ermandadeak akordio horiek errespetatu behar direla uste du, izan ere, apirilean Burgosek Gorobelen egindako itxieren ondorioz, aiarar abeltzainen ganaduak ezin du bertan bazkatu. Horrela, Ermandadeak 2006 eta 2014 urteetan egindako itxierak zabaltzeko elkarrizketak hastea eskatzen du. Apirilerako ez badira egin, bide penalera jo beharko du eta.
Bestalde, aurreko urteko otsailean hiru urteetan abeltzaintzarako Gorobelen dauden larreen inguruko erregularizazioa egitea adostu zen. Ganadu kargaren diagnostikoa egin ondoren, teknikariek neurriak jarri eta 2015. urtean ezarriko dira modu progresiboan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
