Urtarrilaren 22an Aiarako udalerriaren uraren hornidura-sarea eta saneamenduaren inguruko bilera egin dute. Bertan, Udaleko eta Administrazio Kontseilu bakoitzeko ordezkariak Arabako Foru Aldundiko, Uraren Euskal Agentziako (URA) eta Kantauriko Urkidetza Ur Partzuergoko ordezkariekin elkartu dira.
Bilera horren helburua Aiarako egoera hidrografiakoaren inguruko diagnostikoa egitea izan da. Hala, analisi historikoaz, etorkizuneko isurtze baimenen egoera juridikoaz eta udalerriko egungo arazte sistemen egoeraz hitz egin dute.
Esparru teknikoan zein ekonomikoan eragile guztien artean planifikazioa egiteko lehenengo urratsak ematea ere adostu dute.
Batzarrean kontzeju guztiak kudeaketa profesionala egingo lukeen erakunde baten parte izatea adostu da, adibidez Ur Partzuergo bat.
Horretarako, aurretik administrazio kontseiluek plangintza egin beharko dute kontseilu bakoitzaren ur-horniduraren egoera aztertzeko eta konpontzeko.
Azkenik, hurrengo otsailaren 25ean beste bilera bat egingo dute eragileek elkarrekin Aiarak urarekin dituen arazoak konpontzeko.