Gorobel mendilerroaren babes naturalerako txostena prestatu du Eusko Jaurlaritzak

Aimar Gutierrez Bidarte 2015eko urtarrilaren 20a

Eusko Jaurlaritzako Ingurumen eta Lurralde Politika saileko Natura Ingurunearen eta Ingurumen Plangintzaren Zuzendaritzak Gorobel mendilerroaren hainbat esparru babesteko txostena prestatu du. Urtarrilaren bukaeran txostenaren emaitzak aurkeztuko dituzte.

2012. urteko erdialdean hasi ziren inguru hori babesteko neurriak bilduko zituen dokumentua prestatzeko prozesu parte hartzailearekin.

Eusko Jaurlaritzako Ingurumen eta Lurralde Politika saileko Natura Ingurunearen eta Ingurumen Plangintzaren Zuzendaritzak Gorobel mendilerroaren hainbat esparru babesteko txostena prestatu egin du. Urtarrilaren bukaeran txostenaren emaitzak aurkeztuko dituzte.

2012. urteko erdialdean hasi ziren inguru hau babesteko neurriak bilduko zituen dokumentua prestatzeko prozesu parte hartzailearekin. Gorobel inguruan bi gune ezberdin izendatzeko prozesuari ekin zitzaion: Hegaztien babes berezirako eremua (HBBE) den "Gorobel mendilerroa" eta "Arkamu-Gibillo-Arrastaria" Kontserbazio bereziko eremua (KBE).

Dokumentuak HBBE eta KBE eremuetarako proposatzen diren babestu eta berreskuratzeko balioak, helburuak eta araudia biltzen ditu bere baitan.

Txostenaren emaitzak aurkeztu eta helegite epea zabaltzeko Natura Inguruaren eta Ingurumen Plangintzaren Zuzendaritzak bilera informatibo irekia deitu du datorren urtarrilaren 26an, arratsaldeko 18:00etan, Arespalditzako udaletxean

Ingurumena Aiara Arespalditza

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide