Aiarako Udalak bi lan-poltsa sortuko ditu. Hala jakinarazi du bere web-orriaren bidez. Honako lan hauetan ordezkapenak betetzeko izango dira bi lan-poltsa horiek: Administrazio laguntzailearen lanetan eta Zerbitzu langileen lanetan.
Lan-poltsetan izena eman nahi dutenek irailaren 18ra arte izango dute epea. Aurkezten diren kide guztietatik baldintza onenak biltzen diztuztenak izango dira hautatuak poltsa osatzeko. Udalaren web-gunean edo udaletxean eskuratu ahal diren paperak bete eta aurkeztu beharko dituzte horretarako. Udalaren web-gunean lan-poltsaren lehiaketarako oinarriak ere kontsultatu daitezke. Formazio aldetik, honakoa eskatzen zaie aurkeztuko direnei: Eskolako graduatuaren titulua, lehen mailako lanbide heziketarena edo erdi mailako heziketa ziklokoa edo horren baliokidea izatea. Aurkezten direnek ariketa batzuk egin beharko dituzte lan-poltsan sartu ahal izateko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide