Aiarako Hogietalau Euskara Elkarteak hitzordu bi iragarri berri ditu azarorako. Hilak 16an, igandea, 3 eta 10 urte bitarteko seme-alabak dituzten familiei zuzuendutako “Igande arratsaldeak familian” programa eskainiko dute Menoioko kontzeju etxean 17:00etatik aurrera.
“Irripuinak Largabistarekin” ikuskizunarekin abiatuko dute hitzordua Galder Perez ipuin kontalariaren eskutik eta askari ostean, 18:30ean, eskulan-tailerra izango da.
"Prest gaude!" antzezlana
Emakumeen aurkako indarkeriarik gabeko nazioarteko egunari helduz, “Prest gaude!” euskarazko antzezlana eskainiko du Luiaondoko Sozialeko aretoan azaroaren 21ean, ostirala, 19:30ean Hogeitalu elkarteak.
Azpeitiko Lakrikun antzerki taldeak ekoiztutako lan honek XXVII. Euskal Antzerki Topaketetako Ikuslegoaren Saria eskuratu zuen 2012an. Alaitz Olaizola, Gurutze Eizmendi eta Idoia Uranga aktoreek “Greban gaude” lanaren jarraipena eskaintzen dute osatzeke duten trilogia barruan; antzelanaren sinopsi bitxia eskaintzen dute: “PREST GAUDE (Greban egon ginen denbora luzez. Ez genituen gure helburuak bete, eta horregatik, orain PREST GAUDE bigarren ahalegin bat egiteko. Borrokarako grina ez zaigu falta, arrazoiak baditugulako. Adinean aurrera goaz, ez gara ginenak, tristeziak eta alaitasunak partekatzen ditugu, barne eta kanpo aldaketak jasan ditugu, baina emakumeak izanik, PREST GAUDE zurrunbilo honetatik irteteko)”