Asteburuan, Añeseko herrian garia irinduko dute. Goizeko 10:00etan hasiko da ekitaldia. Herriko erdigunetik aterako da eta errotara joango dira bertaratuak. Normalean errota itxita dago, beraz, barrutik ikusteko aukera emango dute.
Guzti hori udan Maroñon hasitako prozesu baten testuinguruan kokatzen da. Maroñon garia landatu, moztu eta eultzitu da. Urrats honetan Añesera eramaten dute bertako errotan irintzeko. Garia asto batean zamatu eta errotara eramaten da. Ehotu egiten da, eta jarraian hamaiketakoa eskaintzen diote hurbildutako jendeari.
Aste batzuen buruan gari horrekin ogia egingo dute.
Antzinako usadioak eta eskualdean horiei lotuta dauden aztarnak goraipatzeko modua da ekimen herritar hori. Duela urte batzuk hasi zuten ohitura eta nahiz eta data zehatzik ez duen -eguraldiaren arabera egiten baita- oso arrakastatsua izan ohi da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
