Uztailaren 5ean Peregaña Igoera mendi-lasterketaren 1. edizioa jokatu zen Aiarako Erretes Lanteno herrian, bertako jaien baitan. Eguraldia lagun izan zen, -eguzkiak gogor jotzen zuen arren- eta jai-giro ederraz gozatu ahal izan zuten bertaratutakoek.
10,350 kilometroko lasterketa izan zen, eta arrakasta handia lortu zuen bere lehenengo urte honetan: guztira 89 kirolarik hartu zuten parte, tartean gure eskualdeko korrikalaririk onenek (Felipe Larrazabal, Gaizka Barañano, Josu Apraiz, Pedro Urkijo, Pablo Mas...), bai eta, ustekabean, Espainiako aurtengo txapelduna Manuel Merillas. Merillasek bosgarren postua eskuratu zuen aurreko astean Chamonixen munduko txapelketako maratoian, eta zapatuan Donostiara bidean zihoala Erretesera etorri zen Peregaña Igoeran parte hartzera.
Lasterketa Merillasek irabazi zuen Felipe Larrazabal okondoarraren aurretik. Podiuma Josu Apraiz laudioarrak osatu zuen. Emakumezkoen kategorian Basauriko Mari Carmen Gartziak nagusitasunez irabazi zuen proba.
Sailkapenak hemen.
Argazkiak: Ganzorrotz Mendi Taldea, Zuriñe Alava, Ainara Garcia, Emma Ferreira