aiaraldea.eus

Etxaurren ikastola hizpide Eusko Legebiltzarrean

Erabiltzailearen aurpegia Irati Marañon Quintana   Hezkuntza  Aiara
Etxaurren ikastola hizpide Eusko Legebiltzarrean

PSE-EEko parlamentari eta Hezkuntza sailburu ohi Isabel Celaak Etxaurren ikastolako 12 ikasleren egoerari buruzko galdera egin du Eusko Legebiltzarreko Hezkuntza Batzordean. Kontua da ikasle horiek eskola-garraio zerbitzurik gabe utzi dituztela, eta Socialistas Vascos-Euskal Sozialistak taldeko ordezkariak jakin nahi duela ea 2014/2015 ikasturteari begira zerbitzu hori bermatuta izango ote duten.

PSE-EEko parlamentari eta Hezkuntza sailburu ohi Isabel Celaak Etxaurren ikastolako 12 ikasleren egoerari buruzko galdera egin du Eusko Legebiltzarreko Hezkuntza Batzordean. Kontua da ikasle horiek eskola-garraio zerbitzurik gabe utzi dituztela, eta Socialistas Vascos-Euskal Sozialistak taldeko ordezkariak jakin nahi duela ea 2014/2015 ikasturteari begira zerbitzu hori bermatuta izango ote duten.

Arazoaren muina da, hain zuzen, ikastetxeetatik 2 km edo gutxiagora bizi diren ikasleak garraio-zerbitzurik utzi dituztela. Neurri horrek, bada, Arespalditza, Menagarai eta Zuatzako 12 ikasleri eragin die. Celaak berak eta Etxaurren ikastolako Gurasoen Elkarteak bere garaian azaldu zutenez, dena den, Aiarako Udalerria sakabanatuta dauden 24 herrik osatzen dute eta ikastetxera iristeko era bakarra trafiko handiko errepideak dira, ez dago oinezkoentzako biderik. Hori dela eta, pentsaezina zaie ibilbidea oinez egitea.

Cristina Uriarte, Eusko Jaurlaritzako Hezkuntza, Hizkuntza Politika eta Kultura sailburua, 2014ko otsailaren 17an izan zen legebiltzarrean, eta eskola-garraioari buruzko araudia zorrozki aztertuko zutela esan zuen. Isabel Celaak egin berri dion galdera, beraz, adierazpen horien ondorio izan da.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa