Pertsona bat hil da Laudio eta Okondo artean gertatutako auto istripuan

Erredakzioa 2014ko martxoaren 24a
Deskargatu Info Ahotsak :

Goizeko 07:40an istripua izan duen autoa topatu dute Okondo eta Laudio artean, A-3632 errepidean -Garate muinera heldu baino lehen, ferraren bihurgunean-. Autoa errepidetik atera, errekara erori eta gidaria hil egin da istripuaren ondorioz. Ertzaintzak adierazi du litekeena dela gauez gertatzea istripua.

Udaltzaingoa eta Ertzaintza hurbildu dira lekura eta suhiltzaileek atera dute gorpua autotik. Fiat Stilotik hildakoa ateratzeko Aiara eta Laudioko Suhiltzaileak elkarlanean aritu dira.

Hedabideek zabaldu dute gidaria 67 urte zituela eta Gueñesekoa zela.

Goizeko 07:40an auto bat atera Okondo eta Laudio artean, A-3632 errepidean -Garate muinera heldu baino lehen, Malkuartu bidean-. Autoa errekara erori eta gidaria hil egin da istripuaren ondorioz. Udaltzaingoa eta Ertzaintza hurbildu dira lekura eta suhiltzaileek atera dute gorpua autotik. Fiat Stilotik hildakoa ateratzeko Aiara eta Laudioko Suhiltzaileak elkarlanean aritu dira.

Hedabideek zabaldu dute gidaria Gueñesekoa zela.

Hasiera batean, trafikoa.net, Segurtasun Sailaren atariak, iragarri du beste auto batek jo duela, baina Ertzaintza ikertzen ari da zer gertatu den. Garabi bat autoa errekatik ateratzen ari da.

Komunikabide batzuek adierazi dute istripua izotzaren errua izan daitekeela.

Nahiz eta istripua larria izan, trafikoa normala da orain A-3632 une hauetan.

Aiara Laudio Aginaga

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide