Behar fisiko edo sozialak dituzten hirugarren adineko pertsonenganako eguneko arreta zerbitzua eskaintzeko akordioa sinatu dute Artziniegako eta Aiarako udalek. Izan ere, Artziniegako plazak beteta daude, Aiarakoen %80 soilik erabiltzen ari den bitartean. Elkarlanaren ondorioz, bertako agureek, Artziniega edo Aiarako egunerako guneak erabiltzeko aukera izango dute, jatorrizko gunean lekurik ez eta, kasu honetan, Aiarakoan plaza badago. Izan ere, Artziniegako egoitzan, sartzeko aukera izateko itxaroten dauden adinez nagusiko pertsonak daude, erabiltzeko adostutako 10 plazak beteta baitaude. Horregatik eraman da aurrera negoziaketa, aiararrek soberan dituzten plazak artziniegarrek bete ahal izan ditzaten. Dena dela, agureren batek beste herriko egunerako gunea erabiltzen badu, zerbitzua pertsonaren herriko udalak ordainduko du, Aldundiak ematen duen diru laguntza kenduz. Erraztasuna izateko, udaletxe bakoitzak gastu horiek aurreikusiko ditu, urtero ordaintzeko.
Arespalditzako eguneko gunean plaza gehiago izango dituzte artziniegarrek, udalek akordioa sinatu baitute
Behar fisiko edo sozialak dituzten hirugarren adineko pertsonenganako eguneko arreta zerbitzua eskaintzeko akordioa sinatu dute Artziniegako eta Aiarako udalek. Izan ere, Artziniegako plazak beteta daude, Aiarakoen %80 soilik erabiltzen ari den bitartean. Elkarlanaren ondorioz, bertako agureek, Artziniega edo Aiarako egunerako guneak erabiltzeko aukera izango dute, jatorrizko gunean lekurik ez eta, kasu honetan, Aiarakoan plaza badago. Izan ere, Artziniegako egoitzan, sartzeko aukera izateko itxaroten dauden adinez nagusiko pertsonak daude, erabiltzeko adostutako 10 plazak beteta baitaude.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide