Pasa den asteko ostiralean berriro irauli egin zen egurra garraiatzen zuen kamioi bat. Gertakizuna ez da lehena izan, eta seguruenik ezta azkena ere, bizilagunen iritziz. Hori A-3620 errepidearen egoera kaskarrari leporatzen diote.
Istripuek, errepide horrek dituen 2 kilometroetan zehar dauden puntu zehatz batzuetan gertatu izan dira. Errepideak Murgako industrialdea eta Urduña-Laudio A-625 errepidea lotzen ditu.
Beraz, kamioiak egunero dabiltza gora era behera. Azkenengo kamioia irauli den puntuan kamioi bi elkartuz gero abiadura oso txikian eta kontu handiz igaro behar dira, lekurik ez baitago errepidean. Gainera errepideari zatiak erortzen ari zaizkio alboetatik.
2009. urtean A-3620 eta A-3622 errepideak hobetzeko proiektua egin zuen Arabako Foru Aldundiak, baina momentuz horretan geratu da, proiektua hutsean.
Proiektua bi zatitan banatu zen, lehenengoa bi errepideen informazio txostenari hasiera ematea, eta bigarrena egindako txosten horren aurkezpena. Ondoren, bertan behera geratu zen.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
