San Isidro jaia aprobetxatuko da Aiaran lehen sektorearen inguruko II. jardunaldiak egiteko. Aiarako Udalak antolatu ditu egitarauak jasotzen dituen ekintzak eta Arabako Foru Aldundiaren, Kutxabanken eta Zabaia Elkartearen laguntza izan du.
Erabilera anitzeko udal aretoan emango zaie hasiera jardunaldiei maiatzaren 13an. Horretarako Arabako Foru Aldundiak eskainiko du abeltzaintza-primei, laguntzei eta agroekologiari buruzko hitzaldia. 18:00etan Ander Beraza Gorbea Laudioko oiloaren berreskupenaren inguruan mintzatuko da.
San Isidro jaia aprobetxatuko da Aiaran lehen sektorearen inguruko II. jardunaldiak egiteko. Aiarako Udalak antolatu ditu egitarauak jasotzen dituen ekintzak eta Arabako Foru Aldundiaren, Kutxabanken eta Zabaia Elkartearen laguntza izan du.
Erabilera anitzeko udal aretoan emango zaie hasiera jardunaldiei maiatzaren 13an. Horretarako Arabako Foru Aldundiak eskainiko du abeltzaintza-primei, laguntzei eta agroekologiari buruzko hitzaldia. 18:00etan Ander Beraza Gorbea Laudioko oiloaren berreskupenaren inguruan mintzatuko da.
Maiatzaren 14an bola-jokoa egingo da Kexaako bolatokian eguerdian eta 18:00etan. Bestalde, Aiarako Udaletxean landa eremuari buruzko argazki erakusketa egongo da ikusgai eta Arespalditzan Asparreneko Udalak basoa eta uraren kudeaketa landuko du.
Maiatzaren 15ean San Isidro eguna denez azoka egingo dute goizean zehar. 09:30etatik aurrera artisauek haien produktuak erakutsi eta salduko dituzte Arespladitzan. 10:30ean abereen erakusketa hasiko da eta 11:00etan umeentzako puzgarriak eta txalapartatxo tailerra egingo da. Golde-erakustaldia idi terreinekin eta herri kirolak izango dira protagonistak 12:30ean. Ordu erdi geroago umeentzako bisita gidatua antolatu dute eta helduek gazta eta txakolina dastatzeko aukera izango dute.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide