Zergatik hasi zinen naturan argazkiak egiten?
Gertu neukana zen, egunero etxetik ikusten nuena. Batzuetan eguzkitsu, euritsu beste batzuetan, baina beti ederra da Aiaraldeko natura, are gehiago argazkiak egiterako orduan.
Zein da erabiltzen duzun eredua?
Normalean ez dut ezer planifikatzen. Goizean itzartu, lehiotik begirada bat bota eta zerbait berezia ikusten badut kamera hartu eta banoa. Beste batzuetan paseatzera ateratzen naizenean kamerarekin noa eta beti harrapatzen dut zerbait. Egiten ditudan argazkiak sare sozialetara igotzen ditut normalean, jendeak ikusi ditzan.
Zer da gogoko duzuna jasotzea eta zergatik?
Gogokoena paisaiak. Gogoko ditut oso arraroa izaten delako bi egun topatzea zeintzuetan euraldi bera egiten duen. Argazkiak elkarren artean guztiz ezberdinak izatea dakar horrek.
Zein izan da zuretzat orain arte bizi izan duzun unerik bereziena argazkilaritzan?
Sare sozialetan argitaratzen dudanean argazki bakoitza, jendeak elkarbanatzen duenean eta gustuko duela adierazten duenean.
