Autoetako ispiluetan borla moreak jartzeko deia luzatu dute, “berdintasunaren alde eta biolentzia sexistaren aurka”

Erredakzioa 2017ko ots. 20a, 07:00

Ekimena iragartzeko eginiko kartela.

Martxoaren 8an hasiko da kanpaina eta Aiarako Jaietara arte iraungo du.

Ekimen berri bat sortu dute Aiaran, “berdintasunaren aldeko eta biolentzia sexistaren aurkako” jarrera adierazteko. “Ez arrosak ez urdinak, moreak gara” izango da kanpainaren lema. Autoetako atzerako ispiluetan borla moreak izatean datza egitasmoaren funtsa, martxoaren 8tik Aiarako Jaietara arte. Borla erraldoi bat egingo da jaietan, udaletxean jarriko dena.

Sare sozialen bidez partekatzeko deia
Ekimenaren antolatzaileek (Etxaurren Ikastolako Guraso Elkartea, Udala eta Aiarako Biltokia) Aiarako herritarrak animatu nahi izan dituzte borlen argazkiak egin eta sare sozialen bidez partekatzera. “Jarrera matxistak arbuiatzen ditugula frogatu behar dugu guztion artean, guztioi eragiten baitigu”, adierazi dute.

Borla moreak nola egin ere azaldu dute antolatzaileek, ondorengo irudiaren bidez:

 

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide