Emakumeen Osasunaren Nazioarteko Eguna izan zen maiatzaren erdialdean. Hori dela eta mendi ibilaldia antolatu du igande honetarako (ekainak 11) Aiara Berdintasunaren Alde Foroak. Irteera 9:00etan izango da Arespalditzako El Ferial gunetik.
Hala, Etxaurreneko ermitara abiatuko dira partaideak, hamaiketakoa eta herri argazkia egiteko asmoz. Ondoren, Arespalditzara itzuliko dira, 13:00ak aldera. Parte hartze handia espero dute antolatzaileek, izan ere, 90 lagunek eman dute izena dagoeneko. “Emakumeak martxan” kamisetak banatuko dituzte oroigarri gisa.
Alabaina, maiatzaren 31n bukatu zen izena emateko epea. Edozelan ere, ibilaldira batzeko aukera zabalik dago.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
