Lan deialdia zabaldu du Aiarako Udalak udalerriko Bake Epaitegiko idazkari postua betetzeko. Udaletik adierazi dute lanpostuak ez duela epe finkorik izango, Eusko Jaurlaritzako Justizia Saileko langile batek hartu arte iraungo baitu.
Ekainaren 29ra arte (osteguna) izango dute interesdunek lan deialdira aurkezteko epea. Naziotasun espainiarra izatea, adinez nagusia izatea eta kargu hori betetzeko ezgaitua ez egotea dira bete beharreko hiru baldintzak. Udaletik adierazi dute “egokitzat jotzen diren titulu eta ziurtagiriak” aurkeztu ahalko direla baita. “Administrazio zereginak egiteko gaitzen duten tituluak edo esperientziak eta informatikako oinarrizko ezagutzak hartuko dira kontuan batik bat”.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
