Aiarako EAJk oharra plazaratu du adierazteko udalak 10.000 euro emango dizkiela aurten herriko bost kolektibori, elkarlan akordioen bidez.
500 euro jasoko ditu Etxaurrengo Lagunak elkarteak, Etxaurrengo Jaiak antolatzeko diru-laguntza gisa. Menagaraiko Amor Misericordiosoko eskolak, aldiz, 2.000 euro jasoko ditu udalaren partetik, altzari eta tresneria berria erosi eta ikasleentzako ekintzak antolatzeko, “euren garapen pertsonala eta integrazioa sustatzeko”.
Valle de Llanteno elkarteak 6.000 euro jasoko ditu Lantenoko Arte Eskolan egiten diren ikastaro eta jarduerak aurrera ateratzeko. Eskutxiko Ahotsak emakume abesbatzak, bere aldetik, 1.000 euroko diru-laguntza izango du bere ekintza-programa aurrera ateratzeko. ASASAM da bosgarren eta azken elkartea: 500 euro jasoko ditu buruko gaixotasunak dituzten pertsonen integrazioa sustatzeko programetarako.
Jeltzaleek azpimarratu dute hitzarmen horiek sinatu izanak argi uzten duela “EAJk Aiarako elkarteekiko duen konpromisoa”.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
