Aiarako Euskararen Asteburuan, Ahobizi eta Belarriprest gonbidatuak

Erredakzioa 2017ko urriaren 17a
Deskargatu Info Ahotsak :

Ahobizi eta Belarriprestek girotuko dute asteburua.

Urriaren 20an, 21ean eta 22an ospatuko dute Aiarako zenbait herritan Euskararen Asteburua; Luiaondon, Arespalditzan eta Izorian, alegia. Edonola ere, aiararrak ez ezik, bi pertsonaia izango dira aurten protagonistak; Ahobizi eta Belarriprest.

Urriaren 20an, ostiralean, biek parte hartuko dute Otueta Gizarte Etxean egingo den solasaldian 19:00etan. Berez, euskararen erabilerarako aktibazio kanpaina aurkeztuko dute Belarriprestek eta Ahobizik. Eurekin Asier Lafuente egongo da, Aguraingo esperientzia azaltzeko esparru horretan. 19:30ean Luiaondoko frontoian hasiko da DJ Xaiborren dantzaldia.

Hurrengo egunean Arespalditzan, 18:00etatik aurrera, abiatuko dute “Aiara Denon  Artean” ekimena. Ferialean elkartuko dira herritarrak eta kalejiran udaletxeko plazara joko dute. Han Aiarako mapa kokatuko dute Belarriprest eta Ahobizirekin, eta pertsonaiek euren koreografia erakutsiko dute. Bukatzeko, txokolatea jateko aukera helduko da.

Urriaren 22an Igande Arratsaldeak Familian iniziatiba egingo dute Izorian, Zentro Sozialean, hain zuzen. 17:00etan Korri eta Salto pailazoek “Familia Giroan” ikuskizuna eskainiko dute eta gero eskulanak eta askaria egongo dira.

Euskara Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide