Esku bete garaipen ekarri zuten Oñatitik Aiarako txirrindulariek

Aimar Gutierrez Bidarte 2017ko abenduaren 19a
Deskargatu Info Ahotsak :

Sprint-ean lehiatu zuten elite kategoriako hirugarren postua Iñaki Isasik eta David Hidalgok

Oñatiko ziklokrosean neurtu ziren Aiara Txirrindulari elkarteko kideak. Lokatzari aurre egin eta hainbat garaipen esku artean itzuli ziren etxera. 

Igandean izan zen Oñatiko ziklokrosa eta Aiara Txirrundulari Elkarteko kideak bertan lehiatu ziren. Azken denboraldian erakutsi duten maila altua mantendu eta eskualdeko ziklokrosak bizi duen osasunaren adierazle izan ziren bertan lortutako garaipenak.

Iosu Isasik lehen sailkatzea lortu zuen Master kategorian. Kadeteetan, aldiz, Ander Lopez igo zen podiumeko goreneko postura. Denboraldi bikaina egin du Lopezek eta igandeko garaipenak horren fruitu izan dira.

Azkenik, elite mailan Iñaki Isasik hirugarren postua eskuratu zuen, atzetik David Hidalgo sartu zen, Koba Cycling CX taldeko txirrindularia, gertu-gertu.

Mikel Beraza Euskal Selekzioan

Oñatin ez, Valentzian lehiatu zen Mikel Beraza Aiara Txirrindulari Elkarteko kidea. Euskal Selekzioarekin parte-hartu zuen bertan antolatutako Espainiako Kopan.

Kirola Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide