Irekita dago Aiarako Jaietako kartel lehiaketan parte hartzeko epea

Erredakzioa 2018ko otsailaren 26a

Haizea Ganzedok irabazi zuen iaz lehiaketa. / Aiarako Udala

200 euroko saria emango zaio Helduen kategorian garaile ateratzen denari; eta 50 euroko bonoa, aldiz, marrazkirik onena egiten duen umeari.

Irekita dago Aiarako Jaietako kartel lehiaketara lanak aurkezteko epea. Martxoaren 23a izango da horretarako azken eguna. Parte hartu nahi dutenek ondorengo tokietan entregatu beharko dute eginiko lana: Aiarako udaletxean, tokiko erakundeak Luiaondon duen bulegoan edo Etxaurren ikastolan. Lehiaketaren oinarrien arabera, lanek 80 zentimetroko altuera eta 60ko zabalera beharko dute izan, eta edozein teknika mota erabili ahalko da horiek gauzatzeko.

Lau pertsonek osatuko dute epaimahaia: Gentza Alamillo alkateak, kultura saileko bi kidek, Guraso elkarteko ordezkari batek eta Lantenoko Arte eskolako kide batek.

Helduen kategorian irabazten duenari 200 euro emango zaizkio. Umeen artean garaile ateratzen denak, aldiz, 50 euroko bonoa jasoko du, eskola materiala erosteko.

Hemen ikusi daitezke lehiaketaren oinarriak.

Iaz Haizea Ganzedok irabazi zuen lehiaketa. Bigarren saria lortu zuen gazte menoioarrak Galtzakomik komiki lehiaketan, duela hiru urte:

Jendartea Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide