Black Kamera proiektuak munduko puntako argazkilariak eta bideogileak ekarriko ditu Basque Dok Festivalera

Erredakzioa 2018ko apirilaren 4a
Deskargatu Info Ahotsak :

Errefuxiatuen sufrikarioak gertutik ikusi ditu Anna Surinyachek. / Copyright: Anna Surinyach

Josu Zaldibar aiararra dago ekimenaren atzean eta nazioarteko argazkilari eta bideogile ospetsuak ekarriko ditu Bilbora.

Basque Dok Festival egingo dute maiatzaren 31n eta ekainaren 1ean, 2an eta 3an. Bilbon, Euskal Herriko Unibertsitatearen Paraninfoan, izango da argazkigintza eta bideogintzari buruzko jaialdia eta izena emateko epea irekirik dago.

Black Kamerak erreferentziazko argazkilari eta bideogileak gonbidatu ditu egun horietan. Sortzaileek hainbat esparru landuko dute. Batzuk gerra eta gatazka eremuetako kazetaritzan dira adituak, esaterako, Anna Surinyach, 5W aldizkariko kidea, edota Ahmed Najm, argazkilari irakiarra.

Beste batzuk, ordea, kaleko argazkigintzan, dokumentalen ekoizpenean edo artean nabarmendu dira. Euskal Herriko artistak ere ez dira faltako, Bostok Foto kasu.

Dagoeneko sarreren %25 saldu dituzte eta nahi duenak hemen eskuratu ditzake. 

Kultura Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide