Aiara Txirrindularitza Taldeko kirolariak Portugaleten izan ziren igandean. Erorketak markatu zuen etapa, bi txirrindulari Gurutzetako ospitalera eraman zituzten, bata Enkarterrikoa eta bestea kantabriarra, baina, zorionez, ez zuten zauri larririk izan. Aiara Txirrindularitza Taldekoek aurrera jarraitzeko aukera izan zuten.
Dena den, istripuaren ostean, ez ziren amaitu aiararren ezbeharrak: matxurak ere izan zituzten, 5 txirrindularik izan zuten baten bat, alegia. Gauzak horrela, ezin izan zioten aurre egin hasierako ihesaldiari, eta atzean geratu ziren.
Hala eta guztiz ere, talde lana egin zuten tartea murrizteko eta, horren ondorioz, pozik bukatu zuten proba. Asteburuan Arespalditzan lehiatuko dira; eta, kide bat ikasbidaian egongo bada ere, saiatuko dira ahalik eta hoberen egiten.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
