Igorren eta Sodupen izan dira Aiara Txirrindulari Elkarteko kideak asteburuan. "Asteburu honetan ere hitzordu bikoitza izan dugu", adierazi dute. Larunbatean Igorren lehiatu ziren. Aurreikusi gisa joan zen lasterketa: "Laua izan zen, eta espero bezala sprintera heltzekoa. Azterketak medio, txirrindulariak falta zitzaizkigun, baina parte hartu zutenek bikain egin zuten". Horien artean nabarmendu dute Ander Lopezen lana, ihesaldian tokia egitea lortu baitzuen, nahiz eta saririk ez eskuratu. Horrez gain, Eneko Larrinaga goraipatu dute, seigarren helmugaratu baitzen: "Sprintera iritsi zen, baina oraingoan ez zuen aparteko emaitzik lortu".
Igandean, aldiz, Sodupe izan zuten helmuga. Zehazki, BTTko "Open Green Series" txapelketa jokatu zen. Mikel Berazak irabazi zuen proba eta, ondorioz, lidergoari eutsi dio. Ander Lopez, berriz, seigarren sailkatu zen, "asteburu eder bat borobilduz".
Aiarako Txirrindulari Elkartearen hitzetan, Agurain izango dute hurrengo geltokia, Gaztetxoak Torneoan arituko baitira. "Ikasten jarraitzen dugu", azpimarratu dute.