Aiarako Udalak konpondu nahi du soka luzeko gabezia Luiaondon; mugikortasuna Barrena kalean eta aparkalekuak Las Vegas deituriko ingurunean. Azken horretarako orube bat egokitu beharra dago.
Horri guztiari aurre egiteko Leader diru-laguntzen deialdia baliatu nahi dute eta jadanik proiektua prestatu dute.
Dena dela, aipatutako arazoa historikoa denez bertako auzokideentzat, hitzordua zabaldu du udalak, herritarrek euren ideiak plazaratu ditzaten. Horiekin hasierako diseinua moldatuko da.
Udalak nabarmendu du garrantzitsua dela auzokideen partaidetza. Izan ere, euren bizitzetan eta etorkizunean eragina izango dute obrek, eta bertakoek ezagutzen dituzte beharrak inork baino hobeto.
Tokiko erakundeak konpromisoa hartu du uztailaren 2an 19:00etatik aurrera lantzen dena egikaritzeko eta, gainera, Administrazio Batzarraren lana goraipatu nahi izan du.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
