aiaraldea.eus

Bihar egingo da Babioko indusketako azken fasea

Erabiltzailearen aurpegia Erredakzioa   Historia  Aiara  Aiara: Izoria

Gaur bukatuko dituzte landa lanak, eta laborategiko fasea gauzatuko dute bihar.

Bihar egingo da Babioko indusketako azken fasea
Iragan asteburuan hasi zituzten indusketak. | Ikusi handiago | Argazki originala

Bihar amaituko dituzte Babioko historiaurreko herria topatzeko abiatutako indusketak. Gaur -ostirala- amaituko dituzte landa lanak, eta laborategiko fasea egingo dute bihar, Izoriako zentro sozialean. Indusketaren arduradunek nabarmendu dute “ate-irekiko lana” izango dela. “Nahi duena joan daiteke bertan lanean dauden arkeologoekin egon eta aurkitutako material arkeologikoa nola garbitzen eta inbentariatzen den ikustera”.

Erakusketa eta hitzaldia
Indusketak amaitutakoan, topatutako material esanguratsuenen erakusketa atonduko dute. Hitzaldi bat egiteko asmoa ere dute, lortutako emaitzak jendarteratzeko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa