Aiarako txirrindulari gazteek garaipenak lortzen jarraitzen dute

Aimar Gutierrez Bidarte 2018ko abuztuaren 25a

Lasterketa denboraldian bete betean sartuta daude Aiara Txirrindulari Elkarteko kideak. / Aiara Txirrindulari Elkartea

Aurrera doa Aiara Txirrindularitza Elkartearen udako denboraldia. Aurreko asteburuan bi froga desberdinetan parte hartu zuten, Mungian eta Opakuako portuan.

Iragan larunbatean Mungian izan ziren kadete aiararrak, Gatika inguruan prestaturiko zirkuitu batean lasterka. Ihesaldi batekin hasi zen froga, Aiara Txirrindularitza Elkarteko kideek ez zuten lortu lasterketaren lehen ki9lometrotan aurrean kokatzea. Lasterketetan zehar eginiko lanari esker, ordea, helmugarako lehian sartzea lortu zuen Asier Castilla urduñarrak beste hiru txirrindulari gazterekin batera. Helmugara iristerakoan podiumeko hirugarren postura igotzea lortu zuen.

Igandean, Opakuako igoera neurtuan izan ziren Aiarako txirrindulari gazteak. Igoera luze eta gogorra da Opakuakoa baina Aiara Txirrindulari Elkarteko kideek sasoi ona erakutsi zuten. Horrela, Mikel Berazak seigarren postua erdietsi zuen. Taldekako sailkapenean hirugarren postua lortu zuten.

Kirola Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide