Irailaren 1ean ekin zion lehen jardunaldiari Arabako Biraren XLI. edizioak. Orotara hiru lasterketa izan dira; Arroiaben, Artziniegan eta Dulantzin. Aiara Txirrindulari Elkarteko gazteek bertan parte hartu dute eta oso emaitza onak erdietsi dituzte.
Artziniegako lasterketan lortu zuten taldekako sailkapenean buru jartzea, eta Mikel Berazak podiumeko hirugarren postura igotzea lortu zuen, txirrindulari arabarren sailkapenean lehenengo postuan jarrita.
Lortutako emaitzak mantentzea eta podiumean sartzea zuten helburu aiararrek Dulantziko azken etapan.
Lasterketa teknikoa izan zen igandekoa eta sprintean ebatzi zen sailkapena. Aiara Txirrindulari Taldeak talde moduan lehen postuari eustea lortu zuen. Mikel Beraza bigarren postuan geratu zen txirrindulari arabarren sailkapenean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
